Дејан Чоловиќ, сопственик на компанијата Бања Комерц Бекамент

Како го оценувате работењето на Вашата компанија во 2019 година?

– Работењето на компанијата Бекамент се води од принципите на одржлив развој и се фокусира на постојани инвестиции во технолошки иновации и човечки ресурси. Препознавајќи ги и следејќи ги потребите на домашниот и странскиот пазар, последниве неколку години значително ги подобривме производствените капацитети. Oтворени се нови фабрички погони за производство на стиропор, прашкасти материјали и течна програма, најсовремени во овој дел на Европа. Производствениот капацитет на фабриката за стиропор изнесува 500.000 m3годишно, a капацитетот на производството на прашковидните материјали и течна програма зголемен е на 350.000 tгодишно. Инсталиран е најнапреден автоматизиран систем за складирање. Јасната визија и стратегија условија раст на приходите и во 2019 година, што е постигнато со подобрување на постоечките и пласирање на новите производи, пенетрација на пазарот и излез на нови.

Што би истакнале како важен момент во работењето на Вашата фирма?

– Дека е дигитализацијата неопходна, сфативме уште 2014 кога успешно имплементиравме Micosoft AX. Минатата година отидовме и чекор понатаму и ги воведовме сите клучни модули SAP ERP на деловниот систем кои ги стандардизираа процесите и дополнително го подигнаа нивото на ефикасност и продуктивност. Успешно е воведен и WMS систем за автоматско складирање, а во подготовката се и имплементации на DMS-Document Management System иTMS-Transport Management System.

– Поради зацврстување на брендот и зајакнување на репутацијата на компанијата, во 2019 направено е и репозиционирање кое подразбираше нова маркетинг стратегија и промена на визуелниот идентитет. Редефинирана е бренд архитектурата и направен е редизајн на амбалажата.

– Важен елемент во работењето на компанијата подразбираше и подобрување на организациската структура почнувајќи од највисокото ниво на менаџментот преку зајакнување на постоечките сектори и формирање на нови, што во перспектива ќе обезбеди уште подобри деловни резултати.

Какви се Вашите планови за следната година?

– Имајќи предвид дека во текот на 2019година се зајакнати темелите за стратегија на работење, а водејќи се и од макроекономските показатели, како и од растечките потреби на пазарот, веруваме дека пред нас се отвораат нови перспективи за понатамошни чекори во освојување на европскиот пазар.

– Се планира и отворање на нови производствени погони. Ќе има можности да се зборува и за таа тема.

Какви промени на пазарот очекувате во следните години и како треба да се подготват фирмите?

– Eкспанзијата на пазарот со недвижнини и градби е поголема од кога било до сега. Забележан е пораст на продажбата на недвижнини кој е за 12% поголем отколку во истиот период претходната година, со раст на цените од 10%. Во врска со тоа, постојаното прилагодување и флексибилното реагирање на пазарните трендови треба да претставува императив за дејствување со постојано подобрување на производите и квалитетот на односот во синџирот на работење. Фокусот треба да биде кон зголемување на задоволството и мотивацијата на вработените со обезбедување на пристап на нови знаења и креирање на шанси за професионален напредок.