Derisa e kujtoni fëmijërinë tuaj, ne jemi të sigurt se nëpër mendje mes tjerash do t’ju paraqitet edhe ngjyra e lodrës tuaj të preferuar ose ngjyra e fanellës së ekipit tuaj të preferuar sportiv. Këto krahasime nuk janë të rastësishme. Kërkimet shkencore tregojnë se ngjyrat zgjojnë kujtime, zgjojnë disponimin që mbretëronte në momentet që ju i evokuat dhe madje i jepni edhe trupit tuaj një ndjenjë të së njëjtës temperaturë siç ishte në momentet që i kujtoni.
Fuqia e ngjyrave
Ngjyrat kanë fuqi që t’ju kthejnë prapa në kohë dhe t’i zgjojnë ndjenjat tuaja. Ato mund t’ju frymëzojnë që të njihni disa botë të reja. Ne ju zbulojmë se si me kalimin e kohës ka ndryshuar perceptimi i ngjyrave dhe cilat vlera kryesore kanë mbetur të rrënjosura thellë në simbolikën e tyre.
Shkenca e „larmishme“
Në fillim, është e rëndësishme të dini se ngjyrat i kanë frymëzuar shumë shkencëtarë, kompozitorë, madje edhe sipërmarrës të kohërave të kaluara për të kryer kërkime, të shprehin teori dhe për të ofruar vizionet e tyre se çfarë janë ngjyrat dhe çfarë domethënie kanë për botën. Ndoshta, duke e lexuar blogun tonë, ato ju motivojnë që të ndani disa nga vëzhgimet tuaja me ne.
Isak Njutni është njëri prej hulumtuesve të parë i cili i ka bashkëngjitur ngjyrat në eksperimentet e tij. Duke e përdorur prizmën dhe duke lozur me dritën, ai e ka projektuar spektrin e ylberit i cili më vonë e ka zhvilluar edhe rrotën e njohur të ngjyrave. Besimi i tij është mbështetur në postulatin se ngjyrat janë kombinim i përsosur i dritës dhe errësirës.
Nga ana tjetër, Johann Volfgang Gete e ka kundërshtuar zëshëm teorinë e Njutonit. Ai i dha një shënim individualitetit këtij besimi të mbështetur shkencërisht dhe theksoi se ngjyrat nuk janë thjesht një matje shkencore, por një përvojë personale. Pika fillestare e Getes e cila është hulumtimi i parë sistematik mbi ngjyrat që përfshin anën psikologjike, u njoh nga shumica e artistëve në atë kohë.
Në vitin 1985, lindi një pikë e re fillestare, e cila i përshkonte elementet e vëzhgimeve të Njutonit dhe të Getes. Sipërmarrësi Smithsonian, një prodhues dylli dhe akuareleve, e krahasoi ndjeshmërinë e tyre me mësimin e muzikës. Ai e krijoi rrotën e tij të ngjyrave të cilat me shpejtësi mbivendoseshin para se syri t’i regjistronte.
Inspirim pa kufi
Pavarësisht se bindjet tuaja anojnë më shumë kah njëra ose tjetra anë, një gjë është e pakontestueshme – ngjyrat janë energjia që lëviz. Nganjëherë kanë shënuar statusin në shoqëri (për shembull: e bardha, e zeza dhe e kuqja visheshin vetëm nga shtresat e pasura të popullsisë); ata kishin një simbolikë të caktuar edhe në luftë (flamuri i bardhë si simbol i paqes); dizajnerët e njohur u shfaqën për herë të parë si vizione; dhe për ne si një motivim për të gjetur zgjidhje për të gjitha sfidat që sjell dizajni i brendshëm.
Bekament INTERIOR
Ngjyrat na kanë nxitur që të krijojmë BEKAMENT INTERIOR linjën e produkteve, të ofrojmë zgjidhje të pakrahasueshme për muret, që të inspirojmë jetë. INTERIOR nënkupton zgjidhje të përgjithshme sistematike e cila përmbanë produkte për të gjitha fazat e përpunimit të mureve të brendshme: nga produktet për përgatitjen e murit për llaçitje, llaçi çimento-gëlqere, masa të kualitetit të lartë për nivelizim (masa për lyerje) deri te ngjyrat e brendshme të cilat hapësirën tuaj e bëjnë vend të këndshëm për të qëndruar.
Besojmë se gjërat interesante për të cilat sot po shkruajmë, do ta ndryshojnë perceptimin rreth ngjyrave ose ta përforcojnë përjetimet që tashmë i keni.
– klikoni në ngjyrën e preferuar dhe menjëherë kuptoni të dhëna interesante për të, të cilat ndoshta nuk i keni ditur.
NGJYRA E KALTËR – NGJYRA E CILA E SHKRUAN HISTORINË
Nëse këto ditë mendoni që hapësirën tuaj ku jetoni ta pasuroni me ndonjë nuancë të ngjyrës së kaltër, besojmë se këto gjëra interesante do t’ju ndihmojnë në vendimin tuaj dhe t’ju inkurajojnë që shtëpinë tuaj ta fisnikëroni me nuancat e historisë.
Momentet e kohërave të lashta
Vizatimet e para në shpella kanë domethënie të vërtetë në evolucionin e njerëzimit. Supozimet që i keni për ngjyrat që u shfaqën për herë të parë në këto vizatime janë ndoshta të sakta. Sidoqoftë, a e keni ditur se menjëherë pas të kuqes, kafe dhe të zezë, ato ishin zbukuruar me ngjyrë të kaltër?
Duke shtuar ngjyrën e kaltër në dizajnin e enterierit, në këtë kontekst ju do t’i jepni hapësirës tuaj një përshtypje artistike.
Zgjojeni produktivitetin
Nëse keni një dëshirë për një ndryshim në dhomën e punës ose zyrë, me zgjedhjen e ngjyrës së kaltër të lehtë të mureve, mund të merrni një efekt që ngjall respekt dhe vlerësim nga vizitorët tuaj. Ky mendim daton në shekullin e XII dhe fshihet në paraqitjen e Virgjëreshës Mari. Paraqitja e saj është pikturuar me uniforma të kaltra të lehta, të cilat ndryshuan plotësisht perceptimin e kësaj ngjyre në mesin e adhuruesve më fetarë të asaj kohe. Që atëherë, besohet se e kaltra është ngjyra e respektit.
Harmonia e energjisë dhe paqes
Sidoqoftë, nëse gjatë zbukurimit të enterierit tuaj më e rëndësishme është energjia që e mbartin disa ngjyra të caktuara dhe harmonia që arrihet me to – mund të mendoni për metodën Feng Shui të dekorimit të shtëpisë tuaj. Elementi i parë sipas këtij besimi është uji, dhe bartësi i tij – e kaltra – është një ndërthurje e energjisë së freskët, pastërtisë dhe paqes. Ajo simbolizon harmoninë familjare dhe marrëdhëniet e mira ndërpersonale midis familjes, kështu që është e përshtatshme që me të të pasurohen muret e dhomave të përbashkëta (dhoma e ndejës).
Mirëpo, duhet të jeni të kujdesshëm kur bëhet fjalë për përdorimin e bojës së kaltër të errët për mure në një hapësirë ku nuk keni mbrojtje adekuate nga mushkonjat. Në të vërtetë, është vërtetuar shkencërisht se këto insekte kanë një përvojë vizuale shumë delikate dhe se nuancat e errëta janë tërheqëse për ta, sidomos gjatë pasdites së vonë. Nëse shtoni një burim të dritës artificiale, ju krijoni një mjedis të këndshëm për ata për të qëndruar.
E GJELBRA – SINERGJIA E NATYRËS DHE PROSPERITETIT
Ju mund ta shikoni rishikimin historik të kësaj nuance si një kthesë fituese në favor të gjelbrës mbi paragjykimet që fillimisht ishin rrënjosur. Në fillim e konsideruar si jo e besueshme dhe një shoqëri në tradhti, kjo ngjyrë përjetoi triumfin e saj kur bota u kthye përsëri në natyrë dhe gëzimin e dhuratave të saj
Triumfi mbi historinë
Parashtrohet pyetja se ku është filli midis kësaj nuance dhe tradhtisë? Ashtu si kuptimi i ngjyrës së kaltër që ndryshoi në përputhje me bindjet fetare, ashtu edhe ngjyra jeshile ishte simbol i Judës – ose anasjelltas. Gjatë Mesjetës, personifikimi i Judës përfaqësohej me uniforma të kësaj ngjyre, por nuk ishin vetëm krijuesit mesjetarë të afreskave që ishin përgjegjës për epitetet famëkeqe që i kishte fituar jeshilja.
Gjithashtu, në të njëjtën periudhë kohore, tregtia e bojës ishte e kufizuar, që do të thotë se piktorët nuk kishin leje për të shitur të gjitha ngjyrat, ndërsa, nga ana tjetër, atyre u ndalohej t’i kombinonin ato. Kështu, piktorët profesionistë patën mundësinë që ta shesin ngjyrën e kuqe, por jo atë jeshile. Ngjyrosja në këtë nuancë ishte e vështirë dhe e paparashikueshme, sepse ngjyrat jeshile të marra nga bimët nuk ishin të përhershme dhe u venitën shpejt.
Prosperitet dhe zhvillim
Pikërisht për shkak të historisë sfiduese, ne ju inkurajojmë që t’ia jepni shansin kësaj ngjyre e cila, sipas Feng Shui, është e zbukuruar me vibrime shumë të mira. Ekzistojnë besime se boja jeshile për muret sjell energji dhe shëndet pozitiv dhe gjithashtu lidhet me zhvillimin personal dhe financiar.
Ne ju rekomandojmë që kjo hije të jetë zgjedhja juaj për zyrën. Nëse jeni në fillim të karrierës tuaj dhe për ju është e rëndësishme që ta vendosni një themel të shëndetshëm dhe të fortë, zgjedhja e ngjyrës së gjelbër të hapësirës do ta tërheqë përparimin e biznesit. Kombinimi me nuancat ngjyrë kafe, mobilje prej druri dhe metale natyrore do të sjellë harmoni të plotë.
Relaksim dhe kënaqësi
Kur vizitoni një banjë, përshtypja relaksuese që fituat sigurisht u ndikua nga përvoja vizuale, e paraqitur kryesisht përmes ngjyrës së gjelbër bambu për muret, e cila shpesh është një element i detyrueshëm i çdo hapësire për relaksim. Nëse po planifikoni t’i jepni banjës suaj një pamje të re dhe një prekje qetësie, këshilla është që ta përshtatni këtë hije jeshile me të bardhën, gri ose kafe dhe kështu të krijoni një hapësirë në të cilën do të jeni të lumtur të qëndroni.
NGJYRA ROZË – SIMBOL I TRANZICIONIT
Përmes blogjeve tona përpiqemi të paraqesim fakte interesante rreth ngjyrave. Pas të kaltërtës dhe jeshiles, ne vazhdojmë me historinë, këtë herë për ngjyrën rozë.
Ndryshimet janë ngjyrë rozë
Roza si term në fjalorin anglisht u shfaq përsëri në vitin 1600 si një folje me kuptimin “dekoroj sipas një modeli”. Prandaj gërshërët e famshëm zigzag janë pasuruar me mbiemrin “rozë”. Kur bëhet fjalë për industrinë e modës, ngjyra rozë u bë aktuale një shekull më vonë dhe ishte në dispozicion vetëm për fisnikët dhe klasën e lartë për shkak të simbolikës së luksit që ajo mban.
Elvis Prislei dhe Merilin Monro, me shfaqje të diskutueshme, e ringjallën atë në vitet pesëdhjeta dhe e vendosën kuptimin e saj në kontekstin e provokimit.
Pas kësaj, u konkludua se simbolika e ngjyrës rozë qëndron në qetësinë dhe energjinë e qetë. Frymëzuar nga kjo, një nga trajnerët e futbollit në vitin 1980 i pikturoi muret e dhomës së zhveshjes së klubit rival me atë ngjyrë, me qëllimin për të qetësuar rrahjet e zemrës së tyre, domethënë duke ngadalësuar motivimin e tyre për të luajtur. Megjithëse ai arriti efektin e dëshiruar, trajneri u ndëshkua për mosbindje ndaj ligjit. Nëse keni arritur në përfundimin se historia e ngjyrës rozë shoqërohet me ndryshime të shpeshta, keni të drejtë!
Gjumë pa brenga dhe mëngjes plot gaz
Sot, ai është një simbol i tranzicionit dhe përparimit dhe hapësira e pikturuar me këto nuanca i jep vendbanimit tuaj një ton të këndshëm, një atmosferë të kujdesshme dhe zgjon një ndjenjë të empatisë.
Meqenëse dhoma e gjumit duhet të jetë një ambient në të cilin mund të relaksohemi pa u brengosur dhe të jemi të lumtur, ngjyra rozë është një zgjedhje ideale për arritjen e kësaj harmonie. Eksploroni një nga nuancat e tij më të buta dhe të ngrohta dhe plotësoni komoditetin e ambientit përmes një kombinimi me tonet e tokës.
E VERDHA – PIGMENT I KOHËRAVE TË LASHTA
Historia e ngjyrës së verdhë është rreth 17.000 vjet dhe na kthen në kohën e Egjiptit të Vjetër dhe Romës. Është e lidhur me zotat e diellit, por simbolikën e fesë dhe shpresës të cilën gjithashtu e bart, e ka marrë edhe në krishterizëm. Përse është kështu?
Ngjyra e inspirimit
Kjo nuancë si dielli, rrezaton me vibrime pozitive dhe lumturi, inkurajon entuziazmin dhe kreativitetin. Piktorët si Van Gogu dhe Pikaso kanë gjetur frymëzim në të, ndërsa në mënyrë të përkryer iu është përshtatur si një kontrast me të tjerët, në atë kohë me ngjyra të përfaqësuara (si e kaltra).
Nga aspekti i psikologjisë, ajo e mbart metaforën e zgjimit, inkurajon komunikimin dhe ndërveprimin dhe ngjall mendime optimiste për të ardhmen.
Me meritë e ka zënë vendin e saj edhe në ngjyrat e trendit 2021. Më shumë për këtë, lexoni në blogun tonë të mëparshëm – Cilat ngjyra për mure janë në trend?
Ngrohtësia e diellit
Nëse planifikoni që në këtë pranverë ta zgjoni atmosferën e ngrohtë në shtëpinë tuaj, ne ju inkurajojmë ta bëni atë në një nuancë të verdhë – ashtu siç zgjohet dielli në tonet e tij çdo mëngjes. Sipas metodës Feng Shui të rregullimit të enterierit, ajo asocon në qëndrueshmëri dhe mbrojtje dhe inkurajon paqen e brendshme.
Ngjyra e aksionit dhe interaksionit do të thellojë bisedat, do të lindë ide të reja krijuese dhe në të njëjtën kohë do të krijojë një ekuilibër midis energjisë së fortë dhe paqes.
Ne ju këshillojmë që ta përfundoni efektin e saj me ngjyrë hiri dhe të bardhë – nëse jeni më shumë adhurues i stilit skandinav dhe vjollcë plotësuese – nëse iniciatori juaj është arti.
VJOLLCË – SIMBOL I LUKSIT
Ngjyra vjollcë u krijua në kryeqendrën fenikase, domethënë në territorin e Libanit të sotëm. Është krijuar vetëm për fisnikët, ajo e mbante simbolikën e luksit dhe prestigjit, ndërsa zyrtarisht Mbretëresha Elizabeta e ka sjellë ligjin me të cilën e ndaloi përdorimin e kësaj nuance për ata që nuk i përkasin klasës së lartë.
Me kalimin e kohës, ligji u bë më fleksibil, ndërsa në njohjen e ngjyrës u ndikua edhe ngjarja nga viti 1856, kur një kimist i ri anglez krijoi një ngjyrë vjollcë duke u përpjekur të zbulonte një kurë për malarien.
Megjithëse e gjeti qëllimin e tij edhe në art (Gustav Clint preferoi një kombinim të kësaj dhe nuancës kafe), vjollca mbeti një metaforë e fuqisë. Sot, politikanët në nivel global shpesh mbajnë kravatë ngjyrë vjollce e cila përfaqëson një simbiozë të vendosmërisë të cilën e bart e kuqja dhe dhembshuria e simbolizuar nga e kaltërta.
Prekje e misterit
Sikurse në modë që nevojitet të zgjedhet vetëm një detaj në këtë ngjyrë, rekomandohet që me rastin e rregullimit të enterierit të dozohet kjo nuanca me nuanca tjera më të hapura e më të ftohta. Masa e vërtetë e përdorimit të kësaj ngjyre do ta bëjë hapësirën më të vlefshme – pikërisht sikurse kur i gëzohemi manushaqeve në pranverën e hershme në oborr.
DHE PËR FUND….
Shpresojmë se informacionet që sot i ndamë me ju, ju kanë ndihmuar në zgjedhjen e ngjyrës për mure. Më shpesh, ndjenja subjektive është e duhur, edhe pse ndonjëherë ju vetë nuk jeni të sigurt se si ta argumentoni këtë. Për këtë, ne përpiqemi që t’ju motivojmë duke ndarë me ju fakte shkencore, të dhëna historike dhe mendime ekspertësh.
Nëse ju kemi inkurajuar që këtë pranverë të nisni me ndryshime, hidhni një vështrim BEKAMENT TON KARTËS dhe përpara se të shkoni në pikën e shitjes të zgjidhni një nga nuancat e dëshiruara. Ju do të keni mundësi që të merrni saktësisht nuancën që ju pëlqen më shumë me ndihmën e një eksperti në ndërtesën e shitjeve dhe BEKAMENT MIX SISTEMIT.
Nëse dëshironi që të mësoni se cilat ngjyra për mure janë në trend në këtë vit, shikoni blogun tonë „Cilat ngjyra për mure janë në trend?“
Na shoqëroni në rrjetet sociale Facebook / Instagram dhe ndani me ne disa gjëra interesante të cilat ju i dini për ngjyrat.
Ju pëlqeu ky tekst? Ndajeni me shokët tuaj.