Bekament solemnisht e hapi fabrikën e re të stiroporit ndërtimor në kuadër të kompleksit të prodhimit në Banjë. Në hapjen solemne të fabrikës morën pjesë kryetari i Qeverisë së Republikës së Serbisë, ministri i punëve të brendshme, prefekti i komunës Alarangjelovac, bashkëpunëtorë tanë të shumtë, të punësuar dhe miq.

“Fabrika e re e hapur tërësisht e rrumbullakon procesin e prodhimit prej lëndës së parë e deri te produktet përfundimtare. Me stiroporin ndërtimor në ofertë bëhemi e vetmja kompani vendore e cila i prodhon të gjitha materialet e domosdoshme për punimet përfundimtare në ndërtimtari. Ajo që po ashtu është me rëndësi është se puna në repartin e ri përveç 300 punëtorëve ekzistues, punë kanë gjetur edhe 70 të punësuar të rinj”, tha Dejan Çoloviq, drejtori i përgjithshëm i kompanisë Bekament.

„Bekament është guri i ekonomisë serbe dhe gur i ardhmërisë serbe“, deklaroi kryetari i Qeverisë, Aleksandar Vuçiq dhe pronarët i uroi që produktet e tyre i eksportojnë në Shqipëri dhe Kroaci. Ai tha se asnjë repart nuk është kaq i bukur sikurse ky i kompanisë Bekament dhe se është posaçërisht krenar dhe i gëzuar sepse bëhet fjalë për kompaninë familjare serbe.

Pas hapjes solemne dhe prerjes së shiritit, të gjithë ata që ishin prezent e kishin rastin që të vizitojnë repartin tonë të ri, ndërsa gëzimi pas kësaj vazhdoi në hotelin „Izvor“ në Arangjelovc.

Kapaciteti vjetor i prodhimit të stiroporit në fabrikën e re arrin 500.000 metra katrorë. Të gjitha Bekament prodhimet posedojnë certifikatet e nevojshme për t’u eksportuar në UE, ndërsa sipas planeve, stiropori ndërtimor i prodhuar në fabrikën e re do të plasohet në tregjet vendore, por edhe në tregjet e shteteve në rajon.