Фондацијата Бекамент се вклучи во акцијата на Полициската управа на Крагуевац во собирање помош за 23 манастири на Шумадиската епархија, при што донираше пакети со прехранбени производи и безалкохолни пијалаци, за основни потреби, наменети за нивните жители.

Генералниот директор на Бекамент, г-дин Дејан Чоловиќ, ја предаде донацијата во име на Фондацијата Бекамент и по тој повод истакна дека во борбата против глобалната пандемија, на свештенството му е потребна помош, бидејќи поради полицискиот час, верниците не можат да присуствуваат на литургиите и да оставаат донации, од кои што најчесто се финансираат црквите и манастирите.

Фондацијата Бекамент ја поддржа оваа иницијатива на Полициската управа во Крагуевац, но дури и на почетокот на борбата против КОВИД-19, и самата иницираше акција за собирање средства наменети за помош на здравствениот систем во Општина Аранѓеловац со цел зачувување на здравјето на медицинскиот персонал како една од најризичните групи. Од почетокот на акцијата, собрани се средства во износ од 700.000 динари, искористени за набавка на првиот контингент на медицинска заштитна опрема.

Покрај приоритетната помош на медицинскиот персонал, Фондацијата Бекамент обезбеди поддршка и на Полициската управа во Крагуевац во форма на донација за заштитната здравствена опрема, со цел да се зачува безбедноста на вработените во нивните секојдневни работни задачи.

Исто така, во борбата против пандемијата, компанијата Бекамент испрати донација во износ од 4 милиони динари до Министерството за финансии на Република Србија, во корист на Републичкиот фонд за здравствено осигурување за да обезбеди соодветна опрема на здравствениот систем на Република Србија.

Компанијата Бекамент и Фондацијата Бекамент, како општествено одговорни институции, секако и во иднина ќе продолжат да даваат поддршка таму каде што е најпотребно со нивната хуманитарна работа.

Да бидеме солидарни. Да се грижиме едни за други.

Prilog RTV Šumadija