Fondacioni Bekament u bashkua me aksionin e drejtorisë Policore të Kragujevcit në mbledhjen e ndihmave për 23 manastire të Dioqezës së Shumadisë, ndërsa dhuroi pako me produkte ushqimore dhe pije freskuese për nevoja themelore, të destinuara për banorët e tyre.
Drejtori i Përgjithshëm i Bekament, z. Dejan Çoloviq, dorëzoi një donacion në emër të Fondacionit Bekament dhe me atë rast vuri në dukje se në luftën kundër një pandemie globale, kleri gjithashtu ka nevojë për ndihmë, sepse për shkak të orës policore, besimtarët nuk janë në gjendje të marrin pjesë në liturgji dhe të lënë donacione prej të cilave kryesisht financohen kishat dhe manastiret.
Fondacioni Bekament e mbështeti këtë iniciativë të drejtorisë Policore të Kragujevcit, por edhe në fillim të luftës kundër COVID-19 ajo filloi një aksion të mbledhjes së fondeve që synojnë të ndihmojnë sistemin shëndetësor në Komunën e Arangjelovcit me qëllim të ruajtjes së shëndetit të personelit mjekësor si një nga grupet më të rrezikshme. Që nga fillimi i aksionit, janë mbledhur fonde në vlerë prej 700.000 dinarë, të përdorura për blerjen e kontigjentit të parë të pajisjeve mbrojtëse mjekësore.
Përveç ndihmës prioritare për personelin mjekësor, Fondacioni Bekament gjithashtu ofroi mbështetje për drejtorinë e Policisë në Kragujevc në formën e një donacioni të pajisjeve mbrojtëse shëndetësore, në mënyrë që të ruhet siguria e punonjësve në detyrat e tyre të përditshme të punës.
Gjithashtu, në luftën kundër pandemisë,u bashkua edhe kompania Bekament, e cila dërgoi një donacion në vlerë prej 4 milion dinarë në Ministrinë e Financave të Republikës së Serbisë, në favor të Fondit të Sigurimit Shëndetësor të Republikës për të siguruar pajisje adekuate të sistemi shëndetësor të Republikës së Serbisë.
Kompania Bekament dhe Fondacioni Bekament, si institucione me përgjegjësi shoqërore, sigurisht që do të vazhdojnë të ofrojnë mbështetje atje ku është më e nevojshme me punën e tyre humanitare në të ardhmen.
Le të tregojmë solidaritet. Ne kujdesemi për njëri-tjetrin.
Prilog RTV Šumadija